قضايا و حوادث الاعلامية ريم شاكر علوي تتعرض الى اصابة على رأسها في مدخل مركب جيان وتشكو من استهتار هؤلاء
نشرت الاعلامية ريم شاكر علوي تدوينة شرحت فيها تعرضها للإستهتار من قبل أعوان مركب تجاري ضخم (جيان) وذلك بعد تعثرها واصابتها بجرح في رأسها. وقالت الصحفية ما يلي:
"الحمد لله على كل شيئ اما اللامبالاة والإستهتار غير مقبول
تمشي لل geant على نصف ساعة تتعثر في عتبة عاملينها بالغالط يجي راسك على محبس وعينك شوية والا تخرج والدم يجبد وصغار مفجوعة وعباد تستلطف وانت بدنك مهرس وجنبك ازرق ولا حد من جماعة الصحة ولا الحماية المدنية ولا سكيرتي يجيك..
معيا خويا ومرتو مقيمين في كندا عملو عركة تجي الي مهتمة بالصحة قالتلي انشاء الله لاباس وما تتفجعش اش باش ناعملو، قلنالهم راهي هالعتبة ماهيش موافقة لقوانين الصحة وفمة شكون تكسر وخويا يسمع وباهت قالها ايه اختي نحبو على تقرير متاع حادث قتلو باهي اما ما عنديش ورقة وستيلو مديتلها من ساكي (و انا دمي يجبد)، قتلي اسمك ولقبك وتليفونك وتوة امبعد انكلموك اما ازرب امشي للإستعجالي .....؟؟؟؟؟
مرت خويا تقلها ياخي نورمال انت؟ تجاوبها تقلها نعرف خدمتي؟؟ امبعد تمشي ويركب خويا بونتو مشى يلوج على متاع السيكوريتي جاني واحد الحق ناس املاح قالي سامحنا مدام و انشاءال له لاباس و مغازة الجيان متاعك ومرحبا بيك ؟؟؟؟؟
وفي الإثناء مواطنين يتجراو دبرولي الثلج والناس هايضة على اللامبالاة الي يشوفوا فيها في فضاء يدخل في المليارات ؟؟؟؟ واحد ظاهر من مواطنينا بالخارج قالي اشكي بيهم وخويا شد صحيح و عملت تقرير متاع حادث ...؟
وبره عاد من غادي للمستشفى محمود الماطري قالولي ما انجشموش انمسوك يلزم تمشي لمستشفى الهادي الرايس متاع العينين... برة امشينا آه يلزمك تعمل تصويرة قبل اما هوني ماعانش برة هاهي ورقة امشي صور في سبيتار الصغار وارجع ايا ناب ربي و تصورنا بعد ساعة آه توة با شنغرزولك اما اصبر نصف ساعة على الأقل رحنا نعقمو في الأدوات خاطر غرزنا لشكون قبلك ...؟؟؟؟ إيه خويا عندك بواتة برك ؟ ايه مدام سامحنا هاذيكا الظروف أش نعملو حد ما متلفتلنا ؟؟؟؟
قعدت نتفرج في عجب ربي وزيد فمة طبيبة وحدة في الإستعجالي عمل في كل شيئ ؟؟؟؟ طبيبة وحدة ؟؟ موش نورمال ؟؟؟ قالولي ماك صحافية تفرج و شوف و اكتب ؟؟؟ و كملت الليلة على خير و روحنا مع الساعتين و ولدي و بنتي و امي و خواتي مفجوعين و راجلي يخدم ما كلمتوش كان كي كملت الحفلة وبرة عاد وقتها حب يحل حرب ؟؟؟؟؟؟؟؟؟؟؟؟؟
توة الي صار قضاء وقدر والحمد لله على اللطف اما هالجماعة الي ما علابالهمش بالناس ما نيش مسيبتهم ؟؟؟؟؟؟؟؟؟؟؟ اليوم انا لاباس و وقفت على الغرز اما نهار آخر واحد يموت و يكسر راسو ؟؟؟؟؟ يترزا في عمرو و يقولولي الاسيرونس توة تخلص".
